બાકી જિંદગીથી કોઈ ફરિયાદ નથી ,
બસ
છેલ્લે ક્યારે
મજા આવી
એ યાદ નથી,
વ્યસ્તતા એ માઝા મૂકી છે બરાબર,
છેલ્લે ક્યારે
રજા આવી
એ યાદ નથી,
આંખના ખૂણા મેં સાફ કર્યા હતા કે ,
ખરી ગયું એ પાણી,
એ યાદ નથી,
આમ તો સતત હાસ્ય રાખું છું ચહેરા પર,
સાચ્ચે હસ્યો તો
ક્યારે એ યાદ નથી,
જે વરસાદમાં હું ભીંજાયો હતો દિલથી,
એ વરસ્યો તો ક્યારે
એ યાદ નથી,
જીવતા જીવતા ઈચ્છાઓને બધાની,
ક્યારે હું મને જ ભુલ્યો
એ યાદ નથી,
ઉભો નથી કતારમાં
તારા મંદિરે ઈશ્વર,
પણ તને હું ભુલ્યો
એવી ક્ષણ યાદ નથી.
અજ્ઞાત..