આવડત તો છે સૌ કોઇ માં કંઈ કરવાની,
બસ નથી
તો માત્ર ધીરજ,
કોઈને કંઈ કરતા જોવાની.
આવડત તો છે
સૌ કોઈ માં કંઈ લખવાની,
બસ નથી,
તો માત્ર
ધીરજ પૂર્વક
એને વાંચવાની.
આવડત તો છે સૌ કોઇ માં ખુબ સારું બોલવાની,
બસ નથી
તો માત્ર
ધીરજ કોઇને બોલતા સાંભળવાની.
આવડત તો છે સૌ કોઇ માં ઉપદેશ આપવાની,
બસ નથી,
તો માત્ર ધીરજ હાર ને સ્વીકારવાની.
આવડત તો છે સૌ કોઇ માં પ્રભુ ને મળવાની,
બસ નથી,
તો માત્ર ધીરજ જાત ને જાણવાની.
આવડત તો છે સૌ કોઇ માં જિંદગી ને જીવવાની,
બસ નથી,
તો માત્ર ધીરજ મોત ને મોડી મળવાની.
- અંકિત વ્યાસ
અમદાવાદ.
