એક ખેડૂત સાંજના સમયે ગાડામાં ઘાસનો ભર ભરીને ઘેર પાછો ફરતો હતો. ભર ઉપર એની નાનકડી લાડકી દીકરીને બેસાડી હતી.એ મોજથી જતો હતો અને રસ્તામાં
અચાનક ખાડો આવ્યો અને છોકરી ઉથલી પડી અને પલકવારમાં ગાડાના પૈડાં નીચે આવી ગઈ અને ખતમ થઈ ગઈ. લોકો ભેગા થઈ ગયા અને પોલીસને બોલાવવામા આવી.
ખેડૂત નિમાણાં શોકગ્રસ્ત ચહેરે પોલીસની રાહ જોતો બેઠો હતો ત્યાં એક પ્રેસ ફોટોગ્રાફર આવ્યો અને આ
શોકમગ્ન બાપનો ફોટો પાડવા જતો હતો પણ એકાએક એનો હાથ થંભી ગયો અને એણે ફોટો પાડયા વગર જ કેમેરા મ્યાન કરી દીધો.
એ પછી ઘણા વરસે એ ઘરડો થયો ત્યારે એ પ્રખ્યાત થઈ ચુકેલા તસ્વીરકારનો એક ચેનલવાળો ઇંટરવ્યુ લેવા
આવ્યો અને એનો એક સવાલ એ હતો કે તમારી કારકિર્દીનો શ્રેષ્ઠ ફોટોગ્રાફ કયો ત્યારે એણે જવાબ આપયો કે એ ફોટોગ્રાફ કે જે મેં ન પાડ્યો અને દુઃખી બાપની લાગણીની આમન્યા સાચવી લીધી.
મિત્રો,આ મારી નહિ વિશ્વની એક પ્રખ્યાત વાર્તા છે.
