મને તું શીખવાડજે પ્રભુ ....

મને તું શીખવાડજે  પ્રભુ    🌺

          હે પ્રભુ .....

          સફળતા નહિ આપે
          તો ચાલશે ,
          નિષ્ફળતાને
          ધીરજથી પચાવતા
          શીખવાડજે ...

          ધનદોલત નહિ
          આપે તો ચાલશે ,
          કોઇ ગરીબને
          પ્રેમથી ગળે મળતા
          શીખવાડજે ...
       
          બહુ પ્રસિધ્ધિ નહિ
          આપે તો ચાલશે ,
          કોઇ અજાણ્યાને
          પોતાનો ગણતા
          શીખવાડજે ...
       
          વધુ આયુષ્ય નહિ
          આપે તો ચાલશે ,
          સુંદર રીતે જીવીને ,
          સુંદર રીતે મરતા
          શીખવાડજે ...
       
          સારી વાક્છટા નહિ
          આપે તો ચાલશે ,
          ખરાબ બોલતા
          પહેલા ડરતા
          શીખવાડજે ...
       
          સારૂ શરીર સૌષ્ઠવ
          નહિ આપે તો ચાલશે ,
          ભારોભાર અન્યાય
          સામે લડતા
          શીખવાડજે ...
       
          બહુ બુધ્ધિ નહિ
          આપે તો ચાલશે ,
          જેટલી છે એ સારી
          રીતે વાપરતા
          શીખવાડે ...
       
           ઉડવા માટે પાંખો
           નહિ આપે તો ચાલશે ,
           કોઇના દિલમાં ખૂબ
           ઊંડા ઉતરતા
           શીખવાડજે ...