બહેન અને ફોઈ.....
પાપા જોર થી બોલે છે. પ્રિન્સ દોડી ને આવે છે અને પૂછે છે… શું વાત છે પાપા ?
પાપા- તને ખબર નહીં આજે તારી બહેન ઘરે આવી રહી છે. આ વખતે એ તેનો જન્મ દિવસ આપણી સાથે ઉજવશે. એટલે જલ્દી જા અને તારી બહેન ને લઈ આવે અને હા સાંભળ તું આપણી નવી ગાડી લઈ ને જજે જે આપણે કાલે જ ખરીદી છે. એને સારું લાગશે.
પ્રિન્સ , પણ મારી એ ગાડી તો મારો મિત્ર આજે સવારે જ લઈ ગયો. અને તમારી ગાડી પણ ડ્રાઇવર એ કહી ને લઈ ગયો કે બ્રેક ચેક કરાવવી છે.
પિતા – તું સ્ટેશન પર તો જા કોઈ ની ગાડી લઈ ને કે ટેક્સી કરી ને. તને જોઈ એ ખુશ થશે.
પ્રિન્સ ,એ બાળકી થોડી છે કે એકલી આવી નહીં શકે? આવી જશે ટેક્સી કે ઓટો લઈ ને ચિંતા ન કરો.
પાપા , તને શરમ ન આવી આવું બોલતા , ઘર માં ગાડીઓ હોવા છતાં ઘર ની છોકરી ટેક્સી કે ઓટો માં આવશે ?
પ્રિન્સ , સારું તો તમે ચાલ્યા જાઓ મારે કામ છે હું નહીં જાઉં.
પાપા , તને તારી બહેન ની જરા પણ ચિંતા નથી ? લગ્ન થઈ ગયા તો બહેન પરાઈ થઈ ગઈ ? શું એને આપણા બધા નો પ્રેમ પામવા નો હક નથી ? તારો જેટલો અધિકાર છે આ ઘર પર એટલો જ તારી બહેન નો છે. કોઈ પણ દીકરી લગ્ન થયા બાદ પરાઈ નથી થઈ જતી.
પ્રિન્સ , પણ મારી માટે તો એ પરાઈ જ થઈ ગઈ છે આ ઘર પર ફક્ત મારો જ અધિકાર છે. અચાનક પિતા નો હાથ ઉઠવા જ જતો હતો ત્યાં મા આવી જાય છે. મમ્મી , તમે કંઈક શરમ તો કરો જુવાન દીકરા પર હાથ ઉઠાવવા જઈ રહ્યા છો.
પિતા , તે સાંભળ્યું નહીં કે એને શું કીધું ? એની બહેન ને પરાઈ કહે છે. હંમેશા એનું ધ્યાન રાખતી ,એની પોકેટ મની થી બચાવી અને કંઈક ને કંઈક ખરીદી રાખતી. વિદાય સમયે એને સૌથી વધુ ગળે મળી ને રડી હતી. અને આજે આ એને પરાઇ કહે છે.
પ્રિન્સ , હસ્યો અને બોલ્યો ફઇ નો પણ આજે જ જન્મદિવસ છે ને. એ પણ ઘણી વાર આ ઘર માં આવ્યા છે અને હંમેશા ઓટો થી જ આવ્યા છે. તમે ક્યારેય ગાડી લઈ અને તેને લેવા નથી ગયા. માન્યું આજે એ તંગી માં છે પણ પેહલા તો ખૂબ અમીર હતા. તમને મને અને આ ઘર ને દિલ ખોલી અને સહાયતા કરી હતી. ફઇ પણ આ જ ઘર માંથી વિદા થયા છે તો રશ્મિ દીદી અને ફઇ માં ફરક કેવો. રશ્મિ મારી બહેન છે તો ફઇ તમારી.
પાપા તમે મારા માર્ગદર્શક છો તમે મારા હીરો છો. પણ આ વાત ને લઈ હું હંમેશા રડું છું. ત્યાં જ બહાર ગાડી ઉભી રહેવા નો અવાજ આવ્યો.
ત્યાં સુધી પાપા પ્રિન્સ ની વાતો સાંભળી પશ્ચયાતાપ કરતા હતા. અને બીજી બાજુ પ્રિન્સ. ત્યાં જ પ્રિન્સ ની બહેન દોડતી અંદર આવી અને મમ્મી પાપા ને ગળે મળી. પણ એમના ચેહરા જોઈ એ બોલી પડી કે શું થયું પાપા?
પાપા , તારો ભાઈ આજે મારા પાપા બની ગયા.
રશ્મિ , એ પાગલ નવી ગાડી ખૂબ મસ્ત છે , ડ્રાઇવર ને પાછળ બેસાડી હું ચલાવતી આવી છું. અને કલર પણ બૌ મસ્ત છે. પ્રિન્સ , happy birthday to you દીદી આ ગાડી તમારી છે અમારા તરફ થી તમને બર્થડે ગિફ્ટ. સાંભળતા બહેન ઉછળી પડી. અને ત્યાં જ ફઇ અંદર આવ્યા.
ફઇ , શું ભાઈ તમે પણ ? ન કોઈ ફોન , ન કોઈ ખબર એમ નેમ જ ગાડી મોકલી આપી તમે , ભાગી ને આવી હું ખુશી થી. એવું લાગ્યું કે પાપા આજે પણ જીવતા છે. અને વધુ માં બોલ્યા કે હું કેવી ભાગ્યશાળી છું કે મને પિતા જેવો ભાઈ મળ્યો છે. ઈશ્વર કરે મને દરેક જન્મ માં આ જ ભાઈ મળે. પાપા મમ્મી ને સમજાય ગયું કે આ બધું કામ પ્રિન્સ એ જ કર્યું છે.
પણ આજે એક વખત સંબંધો ને મજબૂતી થી જોડતા જોઈ અને અંદર થી ખુશ થઇ અને રડવા લાગ્યા. એમને પૂરો ભરોસો આવી ગયો કે એમના ગયા બાદ પ્રિન્સ સંબંધો સાચવશે. દીકરી અને બહેન એ બંને અનમોલ શબ્દ છે.
જેમની ઉંમર ખૂબ નાની હોય છે. કારણકે લગ્ન બાદ દીકરી અને બહેન કોઈ ની પત્ની અને કોઈ ની ભાભી અને કોઈ ની બહેન બની જાય છે.
લગભગ છોકરીઓ એટલે જ પિયરે આવે છે એમને ફરી દીકરી અને બહેન શબ્દ સાંભળવા નું મન થતું હોય છે.
