સુખ એટલે શું..!????

S..U..K..H.
સુખ એટલે શું..!????

- ઘરમાં પગ મુકતા જ " આવી ગયો દીકરા" કહેતો માબાપનો અવાજ એટલે સુખ....

- તકલીફના સમયે " આપણે સાથે છીયેને .. જોઇ લઇશુ.. " કહેતો પત્નીના વિશ્વાસનો રણકો એટલે સુખ..

- કશું જ કહ્યાં વગર પણ સઘળું સમજી જતા સંતાનોમાં રોપેલ સંસ્કાર ના બીજ એટલે સુખ....

- રોજ દેવસ્થાને દીવાની જ્યોતમાં પ્રગટતું પ્રાર્થનાનું અજવાળું એટલે સુખ..

- ભાઇબંધ કરતા પણ વધુ એવા ભાઇનો કદીય ન ડગતો ખભો એટલે સુખ....

કાકા-દાદાના સંતાનો અને દેરાણી-જેઠાણી વચ્ચેના આત્મીય સંબંધો પ્રાપ્ત થઇ જવા એટલે સુખ....

- રોજ જમતી વખતે " આ ભગવાનની ક્રુપાથી મળેલું છે," તેવો અહેસાસ થવો તે સુખ....

- " તમે " અને "આપ" સાંભળી સાંભળીને થાક્યા હોઇએ ત્યારે " તું " કહેનાર દોસ્તાર મળી જતી એ "પળ"એટલે સુખ..

- ભર ઉનાળે બપોરે ઘરે આવેલ ટપાલીને અપાતા શરબતના ગ્લાસમાં રહેલી ઠંડક એટલે સુખ..

- મનગમતા લેખકના પુસ્તકને વાંચવામાં થયેલુ આખી રાતનું જાગરણ એટલે સુખ ..

- દોસ્ત જેવા દીકરાની જોડે મોકળા મને થતી વાતમાં રહેલ સમજણની સુગંધ એટલે સુખ...

સાસરે જતી રહેલી દીકરી ની સંપૂર્ણપણે ખોટ પુરી પાડી દેતી પૂત્રવધુ એટલે સુખ....

- મહામહેનતે કમાઇને પહેલીવાર પાસબુકમાં પડેલી પાંચ આંકડાની એન્ટ્રી એટલે સુખ.

અંતે.....

પથારીમાં પડતા વેંત કોઇ જ ચિંતા વગર ઉંઘ આવી જાય એનું નામ  સુખ....