વરસાદ ને ફરિયાદ અને તેનો જવાબ
*વરસાદને વિનંતીપત્ર*
રોજ રોજ આમ નખરા ન કર ,
ખોટા ખોટા આમ વાયદા ન કર .
દાનત હોય વરસવાની , વર્ષી જા ,
બિનજરુરી આંટા ફેરા ન કર .
સારું નથી લાગતું આ બધું તને ,
હાલત પર અમારી હસ્યા ન કર .
સો વાતની બસ એક જ વાત ,
લાંબી લાંબી આમ ચર્ચા ન કર .
વિનંતીઓ , પ્રાર્થનાઓ સૌ કરે છે ,
હવે વધારે રાહ જોવડાવ્યા ન કર .
*વરસાદનો જવાબ..
મારા માટે તુ આમ કરગર્યા ન કર!
સાવ આડેધડ વૄક્ષો કાપ્યા ન કર!
'કાર્બન', 'ગ્રીન હાઉસ' વાત ન કર,
વાતોના વડાથી જખમ ખણ્યા ન કર!
વાદળો બનાવવા રોજ મથ્યા કરુ છુ,
તુ ઓજોનમાં ગાબડાં પાડ્યા ન કર!
સૂકીભઠ્ઠ ધરા તો છે મારી પ્રિયતમા,
મને પ્રિયતમાથી દૂર રાખ્યા ન કર!
સમયસર આવતો રહીશ, શર્ત એટલી,
'મારા વ્હાલા તું પ્રકૃતિ સાથે ખેલ્યા ન કર!
